Ek het aan die Hoërskool Brits matriek geskryf. Ek het van jongs in wiskunde belang gestel en uitdagende idees ontwikkel. Ek glo enigiets wat ’n mens werklik uitdaag, is die moeite werd om aan te pa, en dié ingesteldheid het my akademiese pad sterk beïnvloed.
Aktuariële wetenskappe is ’n sterk wiskunde-georiënteerde rigting wat groot klem lê op analitiese denke en die vermoë om oplossings vir komplekse probleme te ontwikkel. Dit vereis dissipline en deursettingsvermoë, omdat dit selfstudie en konsekwente werk verg. Daar is uitdagende tye, maar dit het my geleer dat ’n mens dikwels sterker is as wat jy dink. Dit motiveer my om aan te hou, deur te druk en voortdurend te verbeter.
Soos ek die halfpadpunt van my graad nader, besef ek hoe belangrik dit is om uitdagings as geleenthede vir groei te sien, en om probleme met die regte ingesteldheid aan te pak.
Ek is passievol oor musiek en speel graag elektriese kitaar. Ek het onder meer in my koshuis se band gespeel, wat vir my ’n baie spesiale ervaring was. Ek het ook ’n groot liefde vir reis en was onlangs vir die eerste keer in Europa, iets wat my perspektief baie verbreed het.
My liefde vir wiskunde bly egter ’n konstante, en ek vind groot bevrediging daarin om komplekse probleme op te los.
Wat die toekoms betref, stel ek belang in die versekering- en bankbedryf. My reis deur Switserland het my geïnspireer om moontlik eendag daar te werk, aangesien dit ’n sterk finansiële sektor het. Ek hoop om ná my studie as ’n gekwalifiseerde aktuaris ’n betekenisvolle bydrae in die bedryf te kan maak.
Uiteindelik wil ek nie net professioneel groei nie, maar ook ander help ontwikkel deur my kennis en ervaring met toekomstige studente te deel en ’n positiewe impak in my werksomgewing te maak.