Nadat ek in 2019 matriek geskryf het, het ek by NHS om ‘n lening aansoek gedoen en toe met hul hulp twee diplomakursusse voltooi. Ek het twee jaar lank argitekstegnologie en daarna vir twee jaar jaar projekbestuur studeer.
Tydens my projekbestuur-studies moes ek by ‘n ingenieursmaatskappy ‘n internskap doen. Dit het so goed gegaan dat ek sedert Augustus 2023 by die maatskappy werk en sedert Maart 2024 permanent aangestel is.
My studies, asook my loopbaan is te danke aan NHS se finansiële ondersteuning. Dié hulp het beteken dat ek op my studies kon fokus.
Ek het baie hard gewerk om goeie punte te kry en NHS het my die hele tyd ondersteun. Tannie Joan was altyd net ‘n oproep weg, en haar ondersteuning wass goud werd.
Die NHS is die manier waarop ek en soveel ander studente onsself kan bemagtig om die toekoms met vertroue aan te pak.