Het jy geld nodig vir naskoolse studie? By die Noordelike Helpmekaar-studiefonds kan 'n mens tot R50 000 per jaar leen - teen van die billikste terugbetaal-voorwaardes waaraan jy kan dink.

Die fonds (geen bande met die Helpmekaar-kollege of -skool nie) dateer uit die twintigerjare van die vorige eeu. Dit het in die ou Transvaal doodgeloop, maar het in 1962 herleef toe 12 leningsaansoeke goedgekeur is.

Tot nou toe is meer as 2 000 studente finansieel gehelp om hul toekomsdrome waar te maak. Die geleentheid is dus ook vir jou beskikbaar, mits jy betyds aansoek doen.

Moenie hierdie kans misloop nie!